盤龍峽

2006年4月18日德慶盤龍峽.金林水鄉
偶然上網睇到介紹去盤龍峽好靚.訝！自由行去都好.

2006年香港d旅行團好似還未有攪此路線,點知玩完2007年全香港大大小小d旅行社就推出

當時我就跟住網上資料去走,其實想吓都話自已胆大.

因為當時盤龍峽未發展.我在肇慶客運車站轉乘德慶的公交車到德慶。原來到達德慶市內係無任何公共車輛上盤龍峽.諗住坐的士？但是也找不到！

當時我哋响德慶車站問人點去盤龍峽....原來客運站對面坐1號巴士到官墟下車,再坐私營電單車上山.

我哋大包細包行李唯有分兩架電單車...去埋金林水鄉每架...人仔30蚊

當時這兩個景點好似比我包起咁...無遊人.好靜.好舒服

金林水鄉一個遊人都無,我想坐竹笩,船家午睡,唔肯出船,又話唔夠人數.

我要求佢比20蚊包船才ok

到山上盤龍峽,只見到兩男一女的內地人,佢哋自駕車來玩

成個盤龍峽遊客計埋我哋兩人...五個人...

佢哋幫我哋影咗張合照就未相遇了,成個盤龍峽靜到咁...當時盤龍峽人影多隻都難？

無車上當然無車走,不過我好醒,問售票處姐姐佢教我坐pm:600員工最後一班的收工車就可去到德慶市,係免費

現在見到d團介紹盤龍峽有薰衣草園,睇到幾靚,可惜我當時未曾有發現.

空中飛人好好玩,我真係無有怕！當時諗現在唔試吓玩！再過多兩三年…人都老無氣無力…想玩都難…力不從心…所以要玩就玩！激流也照玩…

激流要等一個鐘先可玩,原來泵水上山才可玩一激,咁我哋就去玩咗個以為小兒科嘅消遙激流,諗住條河仔游游吓...點知原來係好鬼激...通身濕晒！好彩無等到之前果個勁勁激流！否則是命仔都無丫！

這個旅程是很難忘...我是享受整個過程！